संसद बैठक अबरुद्ध

वैसाख ५, काठमाडौ–एकिकृत नेकपा माओवादीको अवरोधका कारण विहिवार पनि संसद् बैठक अवरुद्ध भएको छ । गोरखा फुजेलका कृष्णप्रसाद अधिकारीको हत्या आरोपमा १३ जना विरुद्ध मुद्दा दायर गरेपछि त्यसको विराधमा माओवादीले आवपनि संसद अवरुद्ध पारेको हो । सभामुख सुवास चन्द्र नेम्बाङले बैठक आरम्भ गर्ना साथ एमाओवादीका सभासद विरोधस्वरुप उठेका थिए । माओवादी सभासद शक्तिबहादुर बस्नेतले विस्तृत शान्ति सम्झौता विपरित भएका कामको विरोधमा आफ्नो दलले राखेको भनाइमा सरकार गम्भीर नदेखिएको भन्दै आपत्ति जनाउनुभएको थियो । सरकारले तत्काल मुद्दा फिर्ता नलिए मुलुक दुर्घटनामा पर्ने उल्लेख गदै बस्नेतले सत्य निरुपण तथा मेलमिलाप आयोगमार्फत नै द्वन्द्वकालका घटनाको समाधान निकाल्नु पर्ने बताउनुभयो । सरकार विस्तृत शान्ति सम्झौताअनुसार नचलको उहााको दाबी थियो । उहााले विदेशी आर्थिक सहयोगमा अधिकारी हत्यालाई उचालिएको दाबी गर्नुभयो । पक्राउ परेका दुई कार्यकर्ता रिहाई र मुद्दा फिर्ता लिनुपर्ने माग गर्दै माओवादीले बैठक अवरुद्ध पारेपछि नेम्वाङले भोलि पौने एघार बजेसम्मका लागि बैठक स्थगित भएको घोषणा गर्नुभएको थियो । फुजेल घटनामा पक्राउ परेका दुई कार्यकर्तासहित १३ विरुद्ध चितवन प्रहरीले आइतबार जिल्ला अदालतमा अभियोगपत्र दर्ता गरेको थियो ।