युक्रेनले सेना परिचालन गर्ने

वैसाख १,एजेन्सी–युक्रेनले देशको पूर्वी क्षेत्रका सरकारी भवनहरु रुसी समर्थक बन्दुकधारीले कब्जामा लिएपछि बन्दुकधारीको कब्जाबाट भवनहरुलाई मुक्त गर्न सेना परिचालन गर्ने भएको छ । अन्तरिम सरकारका राष्ट्रपति अलेक्जेण्डर टर्चयोनोफले क्रिमियाको जस्तै अवस्था आउन नदिन पनि सेना परिचालन गर्ने तयारीमा रहेको बताएका छन् । राष्ट्रपतिले देशको सम्प्रभुता रक्षाका लागि सेना परिचालन गर्ने विषयमा संसदमा दिएको सन्देश यस्ता बताइएको हो । रुस समर्थक लडाकुहरुले करिब आधा दर्जन सहरमा हमला गरिरहेका छन् । यसअघि नेटोका महासचिवले पूर्वी युक्रेनका ताजा घटनाक्रमबारे चिन्ता व्यक्त गरेका थिए । संयुक्त राष्ट्रसंघमा अमेरिकी राजदुतले युक्रेनमा भएको बन्दुकधारीहरुको चरणबद्ध हमलामा रुसी घुसपैठ भएको संकेत गरेका थिए ।