३० चैत, गोरखा– गोरखा फुजेलका कृष्णप्रसाद अधिकारीको हत्या आरोपमा संलग्नलाई सर्वस्वसहित जन्मकैदको सजाय माग गर्दै जिल्ला अदालत चितवनमा मुद्दा दायर भएको छ । १३ जनालाई जन्मकैदको सजाय माग गर्दै जिल्ला सरकारी वकिलको कार्यालय चितवनले अभियोग पत्र दायर गरेको हो । परिवारले किटानी जाहेरी दिएका ११ जनासहित जानुका पौडेल र रुऽ आचार्य विरुद्ध मुद्दा दायर गरिएको सरकारी वकिल एकनारायण लम्सालले जानकारी दिनुभयो । हिरासतमा रहेका समेतलाई मुद्दा चलाइएको छ । छविलाल पौडेल र भीमसेन पौडेल प्रहरी हिरासतमा रहेका छन् । थुनामा रहेकाहरु साग पर्सीबाट बयान लिई थुनछेकको बहस सुरु हुने सरकारी वकिलको कार्यालयले जनाएको छ । २०६१ सालमा गोरखाबाट चितवन गएका कृष्णप्रसाद अधिकारीलाई माओवादी कार्यकर्ताले अपहरण गरी हत्या गरेका थिए । छोरोको हत्यामा संलग्नमाथि कारबाहीको माग गर्दै उहााका बाबु नन्दप्रसाद अधिकारी र आमा गंगामाया अधिकारी चार महिनादेखि राजधानीको वीर अस्पतालमा आमरण अनशनमा बसेका छन् । अधिकारी दम्पीलाई सरकारले अनशन तोड्न पटक पटक आग्रह गरे पनि दोषीमाथि कारबाही नभएसम्म अनशन नतोड्ने बताउादै आएका छन् ।
