मलेसियन एयरलाईन्सको जहाज हिन्द महासागरमा दुर्घटनाग्रस्त भएको मलेसियाको भनाइ पुष्टी गर्न चीनको आग्रह

एजेन्सी, चैत्र ११–मलेसिया सरकारले तीन हप्तादेखि बेपत्ता मलेसियन एयरलाईन्सको जहाज हिन्द महासागरमा दुर्घटनाग्रस्त भएको बताएपछि चीनले त्यसको आधिकारिकता माग गरेको छ । चीन सरकारले मलेसियन अधिकारीहरुले बेपत्ता भएको जहाजबारे पुष्टी गर्न आग्रह गरेको हो । धेरै जसो चीनियाा यात्रु सवार मेलेसियन जहाज दुर्घटनाको जिम्मेवारीसमेत मलेसियाले लिनु पर्ने चीनको जिकिर छ । विमानमा सवार यात्रुका परिवारहरुले मलेसियाले हराईरहेको विमानबारेको तथ्य लुकाएको आरोप लगाएका छन् । हिजो मलेसियाले हराईरहेको जहाज हिन्द महासागरमा बिलय भएको र अब कोहि पनि यात्रु जिवित नरहेको बताएको थियो । यात्रुका परिवारका सदस्यहरुलाई एसएमएस पठाउादै मलेसियन अधिकारीहरुले धेरै दिन देखि हराईरहेको जहाजमा यात्रुहरु कोहि पनि जिवित नरहेको दावी गरेको थियो । उसले केहि घण्टाभित्रै जहाजबारे आधिकारिक धारणा सार्वजनिक गर्ने बताएपनि हालसम्म कुनै आधिकारिकता बाहिर आएको छैन ।