चैत ६, काठमाडौं– बंगलादेशमा जारि ट्वान्टी–२० विश्वकप कृकेटको समूह चरणको अन्तिम खेलमा नेपालले आज अफगानिस्तानको सामना गर्दैछ । जाहुर अहमद चौधरी स्टेडियममा नेपाली समय अनुसार पौने ४ बजेपछि खेल सुरु हुनेछ । एकमा जित र एकमा हार व्यहोरेको नेपाल दक्षिण एसियाली प्रतिद्धन्दी अफगानिस्तानलाई हराउने रणनितीका साथ मैदान उत्रनेछ । टोली प्रशिक्षक पुवुद्धु नशानायकले नेपाली कृकेट टोलीको लक्ष्य दोस्रो चरणमा पुग्ने भएकाले त्यसका लागि आवश्यक रणनिती तय गरेको बताए । पहिलो पटक ट्वान्टी–२० विश्वकप खेलिरहेको नेपालले आफ्नो दोस्रो खेलमा आयोजक बंगलादेशसंग सम्मानजनक हार बेहोरे पनि इतिहास रच्नका लागि आजको खेल महत्वपुर्ण हुनेछ । नेपालले आफनो पहिलो खेलमा हङकङलाई ८० रनको फराकिलो अन्तरले पराजित गर्दै विजयी सुरुवात गरेको थियो । यसैबिच, अफगानिस्तानविरुद्धको जितले नेपालको अघिल्लो चरणको सम्भावना समेत कायमै रहनेछ । नेपालले अफगानिस्तानलाई हराउने र घरेलु टोली बंगलादेशविरुद्ध फराकिलो अन्तरले पराजित हुने हो भने नेपाल दोस्रो चरणमा पुग्नेछ ।
