फागुन २०, अछाम– हिन्दुधर्म र पुरातन संस्कारका नाममा सुदुरपश्चिमका महिलाहरु रजश्वला भएका बेला घरबाट टाढा छाउपडि गोठ बनाई राख्ने चलन अहिले बिस्तारै हट्दैछ । रजश्वला भएकी महिलालाई घरबाट छुट्टैं राख्नाले बिभिन्न घटना घट्ने र ज्यानै समेत जान थालेपछि त्यसलाई हटाउने अभियान स्वरुप अछामका बिभिन्न गाबिस अहिले छाउपडि गोठ मुतm गरिदैंछन् । सोही अन्र्तगत बिनायक गाविसलाई जिल्लाको छैठौं छाउपडी गोठमुक्त गाविसका रुपमा आज घोषणा गरिएको छ । गाविसका सबै छाउपडी गोठ भत्काई रजश्वला हुने उमेरका किशोरी तथा महिलाहरु सुरक्षित साथ घरमै बस्न थालेपछि आज एक कार्यक्रमका बीच सो गाबिसलाई छाउपडी गोठमुक्त गाविस घोषणा गरिएको हो । अछामका विभिन्न गाविसमा पछिल्लो समयमा छाउपडी गोठमुक्त अभियानले तीव्रता पाईरहेको छ । यसअघि अछामका भागेश्वर, रिडिकोट, पायल, जनालीबण्डाली, सेरा गाविस छाउपडी गोठमुक्त घोषणा भईसकेका छन भने जिल्लाका चाफामाण्डौँ जुपु वान्नातोली रामारोशन लगायतका गाविसमा छाउपडी गोठमुक्त अभियानले तीव्रता पाएको छ ।
