बेलायती मन्त्री आउँदै

फागुन १८,काठमाडौं– बेलायतका अन्तर्राष्ट्रिय विकास मन्त्री एलन डङ्कन तीन दिने भ्रमणका लागि भोली काठमाडौँ आउँदै छन् । भ्रमणका क्रममा उहाँले नेपालको गरिबी न्यूनीकरण र आर्थिक विकासमा बेलायत सरकारको सहयोग र साझेदारीका प्रयासको समीक्षा र भावी सहयोगबारे छलफल गर्ने जनाईएको छ । यस्तै, सन् २०१५ मा नेपाल–बेलायत कूटनीतिक सम्बन्धको द्विशत वार्षिकी मनाउने विषयमा समेत उनले छलफल गर्ने नेपालस्थित बेलायती दूतावासले जनाएको छ । डिपार्टमेन्ट फर इन्टरनेसनल डेभलपमेन्ट (डिएफआइडी)का नेपाल प्रमुख डा. गेइल मार्जेटीले मन्त्री डङ्कन नेपालको शान्ति प्रक्रिया मार्फत् नेपालको प्रगति हेर्न र यसमा बेलायतको सहयोग जारी राख्न उत्सुक रहेको बताए । भ्रमणका क्रममा मन्त्री डङ्कनले प्रधानमन्त्री, मन्त्रीहरु, राजनीतिक दलका नेता र निजी क्षेत्रका प्रतिनिधिसँग भेटवार्ता गर्ने कार्यक्रम रहेको बेलायती दूतावासले जननाएको छ ।  मन्त्रीका रूपमा डङ्कनको यो पाँचौँ नेपाल भ्रमण हुदैछ ।