फागुन ७, पर्वत– पशुहरुमा खोरेत रोगको संक्रमण बढेर गएपछि पर्वतका कृषकहरु चिन्तित भएका छन् । केहि महिनादेखी देखिएको खोरेत रोगको संक्रमणका बारेमा किसानहरुलाई थाहा नहुँदा जिल्लाका धेरै पशुहरुमा संक्रमण बढ्दै गएको जिल्ला पशु सेवा कार्यालय पर्वतले जनाएको छ । चौपायामा खुर कुहिने, झोक्राउने, दुध नदिने लक्षण देखिएको कृषकहरुले बताएका छन । खोरेत रोग लामो समय सम्म रहेपछि चौपाया मर्ने गर्दछन् । चौपायाहरुमा खोरेत रोग लाग्नुको मुख्य कारण चौपायाहरुमा खोपको मात्रा कम हुनु, कृर्षकहरुमा जनचेतनाको कमी र लापरवाहीका कारण खोरेत रोगको प्रकोप बढेको जिल्ला पशु सेवा कार्यालयले जनाएको छ । पशुलाई वर्षको २ पटक खोप लगाउनुपर्ने भएपनि किसान यस प्रति सचेत नभएको कार्यालयको भनाई छ ।
